promus

Norsk (nynorsk)

Det er lys i vindauget i tredje etasje i Berjaflotvegen 9. Der står Per Eikemo, 86 år gammal, og ser ut over Odda. Dette er ikkje hans tid, og det er ikkje lenger det Odda han kjenner. Men huset står, huset som far hans bygde, og som Per sjølv måtte overta som 14-åring da faren døydde. Her voks han opp, saman med dei fire brørne sine, den eine villare enn den andre. Dei har halde det gåande med husbygging, idrettslag, amerikareiser og maratonløp. Dei fire etasjane har alltid vore fulle av liv og prosjekt. No er det berre Per igjen i huset - og klokka som stadig tikkar og går. Marit Eikemo, som sjølv voks opp i Berjaflotvegen 9, har skrive ei underhaldande og rørande forteljing om eit hus, ein familie og ein industristad. Boka er ein sørgjesong og ei kjærleikshistorie om alt som går tapt, om det som formar oss og om krafta som held oss i live.

Vi er brødrene Eikemo

Dette er historia om Tuva, slik vi får fortald gjennom nokre av dei som er tilsette i livet hennar: psykologen, advokaten, bankkontakten, tannlegen, snikkaren og den personlege trenaren. Gjennom yrka sine får dei alle sjå kvar sin side av Tuva: det spontane kjøpet av eit gammalt forsamlingshus, smertene og medisinbruken, rotet heime og eit arveoppgjer som går i uventa retning. Men desse menneska har òg sine eigne liv og sine eigne opplevingar, og historiene deira blir blanda inn i historia om Tuva. Omtalen er utarbeidd av BS.

Team Tuva

Tre framande deler ei flaske sprit i et skur på Kvanndal Kai ei natt før jul. Ei kvinne sit i bilen med tenåringsdottera si. Ho har bestemt seg for å vise den likegyldige jenta staden ho sjølv kjem frå. Ein mann har fått inn ei bestilling på femti liter sider, men produksjonen går ikkje heilt etter planen. Novellene er forteljingar om heim og tilhøyrsle, og det unike i det lokale. Marit Eikemo har skrive til saman fem romanar, og ho vann Amalie Skram-prisen i 2017. Omtalen er utarbeidd av BS.

Hardanger

Hanne har fått nok. Nok av å bu med mann og barn i den gamle, tronge leilegheita, medan alle dei vellykka vennene frå studietida boltrar seg i villa med hage. Men no har draumehuset dukka opp. Romanen følgjer Hanne og mannen Andreas i tida før bodrunden. Dei går nøye gjennom prospektet, rom for rom. Samstundes blir samlivet deira kartlagt. Er draumen om huset like mykje eit forsøk på å få forholdet til å henge saman? Kva konsekvensar vil små og store svik frå fortida få for den viktige avgjerda som ligg framfor dei? Omtalen er utarbeidd av BS.

Gratis og uforpliktande verdivurdering

Eikemo teiknar med «Alt inkludert» eit skarpt portrett av Noreg i dag, og viser fram korleis vi lever i fellesskap og i einsemd - med alle våre ting og den evige jakta etter meir. Det er historia om Agnes og dottera Maja på 6 år. Dei flyttar inn i eit hybelhus i eit heilt vanlig norsk nabolag, utan nettverk, venner, møbler eller pengar. Vi følgjer Agnes i hennar forsøk på å etablere seg. Agnes finn ut at det ofte ikkje er meir enn ein kvit løgn som skal til for å få ting til å gå litt lettare i møte med alle dei andre menneska. Agnes brukar tida si på finn.no, for å leite etter møblar og andre ting dei treng, mens Maja speler Nintendo. Etter kvart blir omgangen med dei andre meir utfordrande, pengane minkar, løgnene blir fleire når skulestart nærmar seg - og korleis har eigentleg Maja det? Omtalen er utarbeidd av BS.

Alt inkludert

Den tidlegare journalisten Elisabeth Brenner får ein ny sjanse i arbeidslivet gjennom NAV: ho skal samle dialektprøvar på industristaden Einvik. Men det blir ikkje heilt enkelt å skilje jobb og privatliv, og folk stiller seg meir og meir tvilande til kven ho er og kva ho driv med. Så blir ho interessert i den sære, lokale forfattaren Sveinung Sel, og oppsøkjer han først for eit intervju, seinare av grunnar ho ikkje heilt forstår. Dette er Marit Eikemos tredje roman. Omtalen er utarbeidd av BS.

Marit Eikemo

Som forfattar

Emne knytt til Marit Eikemo

Kontakt

Informasjon

Slik bruker du biblioteket

Nettstaden

Kontakt

Informasjon

Slik bruker du biblioteket

Nettstaden

Marit Eikemo

Som forfattar

Vi er brødrene Eikemo : roman

Team Tuva : roman

Hardanger : noveller

Gratis og uforpliktande verdivurdering : roman

Alt inkludert : roman

Samtale ventar : roman

Samtidsruinar

Mellom oss sagt : roman

Emne knytt til Marit Eikemo

Kontakt

Informasjon

Slik bruker du biblioteket

Nettstaden