Ein stad mellom Hustadvika og Ona fyr skal ein forfattar overvintre. Alt i første kapittel blir ein russar skylt i land, og bryt inn i forfattarens sjølvpålagte isolasjon - og i forteljinga. Er han død? Forteljaren flytter seg saumlaust i tid og rom i denne romanen, og lesaren møter mange fargerike karakterar. Her møter vi to rødhåra gutar på eit kafkaesk slott som rømmer for å bli skodespelarar på eit obskurt kunstteater i Paris, spelaren Ashley som er på oppdrag frå ein russisk riking, og ein norsk sjømann som har hamna på ein paradisisk øy. Hendingar kryssar kvarandre, verkelegheit og dikting speler på lag, og ender i noko anna enn ein skulle tru.
