Boka fortel historia om korleis fabrikkbyane Ålvik, Tyssedal og Odda blei til, og om den vidare byutviklinga. Dei tre byane ber framleis preg av å vera nøye planlagt av landets beste arkitektar tidleg på 1900-talet. Men kva skjer når fabrikkbyane blir kulturarv? Korleis står det til med industriarkitekturen og forvaltinga av bygningsmiljøet etter den første norske storindustrien? Her er forseggjorde arbeidarstrøk, fornemme villaer, imponerande skulebygg, monumentale kraftstasjonar og dominerande industrianlegg. Nokre bygg er borte, og det er snakk om å riva meir. Boka er tenkt som ein vegvisar til industriarven. Den har parallell tekst på nynorsk, engelsk og tysk.
